Turkuko Poliziak sare sozialen bitartez jakinarazi duenez, hainbat pertsona sastakatu dituzte hiriko erdigunean. Eraso honen ondorioz bi pertsona hil egin dira eta beste zortzi zaurituta daude, Poliziaren eta ospitaletako iturriak aipatzen dituzten AFP eta Efe berri agentzien arabera.
Several persons stabbed in central Turku. Police has shot at suspected perpetrator. One person is apprehendee
— L-S poliisi (@L_S_poliisi) 2017(e)ko abuztuak 18
Ustezko erasotzaileari tiro egin eta atxilotu egin dutela azaldu dute Poliziek, eta balizko laguntzaileen bila ere ari dira. Era berean, herritarrei inguru horretatik ez pasatzeko deia egin diete.
«Eraso terrorista»
Finlandiako Polizia iturriek aditzera eman dutenaren arabera, eraso «terrorista» izan liteke Turku hirian bi hildako eta zortzi zauritu utzi dituen ekintza. Gainera, ustezko erasotzailea identifikatzea ere lortu dute: 18 urteko gazte marokoar bat litzateke.
Erasoaren ustezko autoreaz gain, beste lau pertsona atxilotu dituzte atentatuarekin zerikusia izan dezaketelakoan.
Hasiera batean, behin-behineko neurri bezala, baztertu egin zuen Finlandiako Poliziak eraso «terroristaren» aukera, nahiz eta alerta maila igotzea agindu zuten herrialdeko hegoaldeko tren geltoki eta Helsinkiko aireportuan.
Tik-Tok, tik-tok erloju-bonbak
«Nos correrían a gorrazos si obligamos a cambiar de bici eléctrica al salir de Iruñea»
Detenido en Iruñea Óscar Reina, secretario del SAT, acusado de un delito de «calumnias»
El Parlamento navarro pide la exclusión de Israel de los Juegos de París
