0 iruzkin

Ikara, lau hitzetan

Ikara, lau hitzetan

Sare sozialek komunikazio bideak eraldatu dituztela gauza jakina da; haatik, egunez egun erabilpen berriak esleitzen dizkiegu bitarteko hauei. Ugari dira sare sozialen bidez euren burua informatzen dutenak, eta haietako askok gainera, muzin egiten diete egunkari, irrati edota telebista moduko hedabide tradizionalei. Azken hilabeteetan baina, fikzioak ere zeharkatu ditu sare sozialek zabaldutako bideak.

Udaran sona handia izan zuen Manuel Bartualen fikzio biralak. «Oporretan nabil duela pare bat egunetik, hondartzatik gertu dagoen hotel batean. Dena ondo zebilen gauza arraroak gertatzen hasi diren arte». Hala zioen milaka irakurle harrapatuko zituen txio katearen hasierak.

Twitterrek orduan baimentzen zituen 140 karaktereak erabili zituen Bartualek txio bakoitzean, eta bata bestarekin lotuz eta Twitterek eskaintzen duen bat-batekotasun eta suspensearekin, irakurlea kateatzea lotu zuten idazleak.

Orain Twitterrek eskaintzen dituen 280 karaktereei muzin egin eta lau hitz bakar bakarrik erabiliz beldurtzea da bogan dagoen erronka berriaren helburua.

Beldurrezko makina bat istorio dabil sarean dantzan eta gurera ere iritsi dira.

Amaia Izko abokatu ezagunak ere parte hartu du erronka honetan eta Guardia Zibilak ipini ditu bere beldurrezko istorioaren protagonista lanetan.

Felix Puyok ostera, Polizi espainolaren esku hildako Joxe Arregiren hitzak ekarri ditu lerrootara.

Antzeko ipuina kontatu nahi izan digu Expraiek.

Joan den astean Altsasuko hiru gaztek urte oso bat bete zuten kartzelan bi Guardia Zibilekin eta euren bikotekideekin izandako liskar batean parte hartzeagatik «terrorismo» delitua egotzi ostean. Zenbait txiolarik auzi hau izan dute gogoan istorioa idazterako orduan, izan ere, askotan errealitatea fikzioa baino beldurgarriagoa izan ohi da.

Emakumeek maiz bizitzen dituzten beldur pasarteak ere gogoan izan dituzte askok.

Gasteizko epaile batek bortxatua izan zen emakumeari epaitegian botatako galdera gogoan izan du Jordina Moralesek.

Karlos Linazasoro idazleak edo Oihana Bartra bertsolariak ere parte hartu dute erronka honetan. Honatx  lau hitzezko euren beldur istorioak:

Asko izan dira erronka honetan parte hartu dutenak eta noski, askotarikoak dira aurki daitezkeen beldurrezko istorioak.

/