Azken txanpara iritsi da Xilaba bertso txapelketa. Xiberoa, Lapurdi eta Baxe Nafarroakoa lehiaren finala festa izango da beste urte batez, 17.00etan Baionako Laugan da hitzordua eta zaleekin batera Sustrai Colina, Eneritz Zabaleta, Maddalen Arzallus, Odei Barroso, Ramuntxo Christy eta Xumai Murua protagonista nagusiak. Info7 irratiak seiekin hitz egin du finalera begirako aldartea ezagutzeko asmoz.