Mendi artean, txorien kantuak entzunez, ikasten dute euskara Arantzako aterpean AEKren ikasleek. Idilikoegia dirudi deskripzioak, baina benetakoa da. Egun osoan euskaraz mintza, entzun, idatzi... hori da barnetegia, eta non hobeto Nafarroako herri honetan baino, hemen euskaraz natural eta suelto hitz egiten baitiete Euskal Herri osotik etorritako 20 eta 60 urte arteko ikasleei. NAIZ izan da lekuko.