Aurten ez da Zumaiako nesken trainerurik izango uretan. 2008tik hona garaipen handiak lortutakoak dira, baina oraingoan arazoak izan dituzte tosta osatzeko eta ezin lehiatu. Baina lan handia ari da egiten Zumaia Arraun Elkartea gazteenekin, eta bateletan eta trainerilletan dabiltzan neska-mutil mordoa ikusita ez dirudi arazorik izango dutenik zumaiarrek berriro ere kategoriako trainerua osatzeko.