Cristina Uriarte Lakuako Hezkuntza eta Kultura sailburuak Radio Euskadin goizean aurreratu duenez, biharko Gobernu Kontseiluaren bileran onartuko dute Mikel Agirre EiTBko zuzendari nagusi kargurako proposatzea, «Alberto Surio ordezkatzeko akordioa ia itxita baitago».
EAJko Joseba Egibarrek eta PSEko Jose Antonio Pastorrek agerraldia egin dute eguerdian eta bertan bi alderdien arteko akordioa baieztatu dute.
Pastorrek ziurtatu du hitzarmenak aurtengo aurrekontuen inguruko negoziazioarekin ez duela zerikusirik, eta ukatu egin du PSEren babesaren truke EiTBren zuzendaritzan bere alderdiak proposatutako pertsonak izatea eskatu dutenik. Laguntzaile taldea diseinatzerako orduan zuzendari berriari «entzuteko» besterik ez diote galdegin, esan duenez.
Egibarrek, berriz, esan du asmoa dela akordio hori berritu behar diren beste erakunde batzuetara ere zabaltzea, Arartekoa edo Kontuen Euskal Auzitegia, esaterako.
EAJ eta PSEren akordioaren ondoren, Mikel Agirreren izendapena ziurtatua dago Gasteizko Legebiltzarrean. Bi aste barru izango dela esan du Egibarrek.
Lateralidad, un tema desconocido pero crucial en el aprendizaje de las niñas y niños
«Dirigiremos Venezuela hasta que haya una transición», proclama Trump tras secuestrar a Maduro
El bombardeo en Venezuela y el secuestro de Maduro desatan la desinformación en redes sociales
32 combatientes cubanos murieron en el asalto estadounidense en Caracas
