Fernando Sotaren kontrako espetxe zigorra salatzeko manifestazioa antolatu dute gaur eguerdian Tafallan. Sotak ezkutatzea erabaki zuen joan den apirilean Auzitegi Nazionalak beren kontrako atxilotze agindua eman ostean. Euskal presoen argazkiak jartzeagatik urtebeteko zigorra ezarri zion epaitegiak.
Ehunka lagunek pate hartu dute herriko kale nagusiak zeharkatu dituen manifestazioan. Plazan bukatu da mobiizazioa eta kioskoan agertu da ezkutaturik zegoen tafallarra.
Guardia zibil andana gerturatu dira segituan plazara. Modu baketsuan zeuden hainbat herritarren aurka oldartu dira eta herritarrak agurtzen zegoen Sota jarraian atzeman eta furgonetan sartu dute. Senide eta lagunak besarkatzeko aukera izan du Fernando Sotak atxilotua izan aurretik. Atxilotua izan aurretik jasotako elkartasuna eskertu du. Arratsaldean jakinarazi dutenaren arabera, Iruñeako kartzelara eraman dute.
Plazan bildutako ehunka herritarrek segurtasunen indarren aurkako eta Sotarekiko elkartasun oihuekin erantzun diote atxiloketari. Tentsio uneak bizi izan dira. Guardia Zibilak joan ostean, Fermin Valencia abeslariak «Si canta Tafalla canta Euskal Herria» kantuarekin eman dio bukaera elkartasun ekitaldiari.
De la victoria de EH Bildu en Eibar al empate de Laudio, pinceladas de una noche histórica
¿Qué sabemos de Pradales? Nada Urkullu, algo Ibarretxe y muy Imaz
EH Bildu Gasteiz censura el uso de 2 millones de euros públicos en beneficio de El Corte Inglés
Abenduaren 21erako bigarren kontzertu bat iragarri du Muguruzak, lehenerako sarrerak agortuta
