Forces64 eta UMPko ordezkariek osatutako bikotearen (Christine Lauque eta Yves Ugalde) eta PSko hautagaien (Marie-Christine Aragon eta Henri Etcheto) artean 41 botoko aldea besterik ez da izan lehen itzulian. Zentrista-eskuindarrek bozen %32,83 jaso dute, eta sozialistek, berriz, %32,24. Horrenbestez, aise igaro dira bigarren itzulira.

Hirugarren bozkatuenak FNko hautagaiak (Jean-Michel Iratchet eta Brigitte Lelievre) izan dira, botoen ia %14rekin. Laugarren indarra EH Bai izan da, %9,83rekin; bosgarren Berdeak, bozen %6,41ekin, eta seigarren FG, %4,71rekin.