NAIZ
MUXIKA

Urkullurekin bildu da Jose Mujica Uruguaiko presidente ohia

Jose Mujica Uruguaiko presidente ohia eta bere emazte Lucia Topolansky Iñigo Urkullu EAEko lehendakariarekin bildu dira gaur, Euskal Herrira egiten ari diren bisitaren baitan.

Iturria: Irekia - Eusko Jaurlaritza - Gobierno Vasco

Jose Mujica Uruguaiko presidente ohia eta bere emazte Lucia Topolansky Euskal Herrian dira egunotan. Larunbatean iritsi ziren, Bartzelona, Italia eta Poloniara bidean.

Atzo Onintza Enbeita Amaiurko diputatuarekin izan ziren Muxikan, eta gaur, berriz, Iñigo Urkullu lehendakariarekin, herri berean. Mujicaren arbasoak handik datozela uste izan da orain arte, baina Mikel Prieto Eusko Ikaskuntzako ikerlariak Gipuzkoan kokatun ditu, hain zuzen ere Beasaingo Astigarreta auzoan.