Enplegu Ministerio espainolak jakinarazitako datuen arabera, langabezia erregistratuak gora egin zuen Nafarroan eta, aldiz, jaitsi egin zen Bizkaia, Araba eta Gipuzkoan.
Abenduaren amaieran, 40.045 langabe zeuden Nafarroako enplegu bulegoetan izena emanda, aurreko hilabetean baino 1.129 gehiago (%2,90). Iazko datuekin alderatuta, jaitsiera %7,18koa izan da, 3.098 langabe gutxiagorekin.
Bizkaian, jaitsiera %1,42koa izan zen abenduan, 1.113 pertsona atera baitziren Lanbideren zerrendetatik. 2015ko datuekin konparatuz, %8,56 jaitsi da langabezia erregistratua Bizkaian (7.214 pertsona).
Gipuzkoari dagokionean, %0,97 egin zuen behera langabezia erregistratuak abenduan, 361 langabe gutxiago zenbatuta. 2015eko abenduarekin alderatuta, 4.370 langabe gutxiago daude herrialde horretako enplegu bulegoetan izena emanda (%10,57 gutxiago).
Araban, 53 langabe gutxiago zeuden abendu amaieran enplegu bulegoetan izena emanda, aurreko hilabetearekiko %0,24 behera eginda. 2015ko datuekin konparatuta, %9,27 jaitsi da langabezia erregistratua herrialde honetan (2.260 pertsona).
Orotara, abenduaren amaieran 176.218 pertsona zeuden Hego Euskal Herriko enplegu bulegoetan izena emanda.