Naiz.info
Donostia

‘Eman euskara elkarri’ lelopean, martxoaren 14an Andoaindik abiatuko da Korrika

Korrikaren 18. edizioa Andoaindik abiatuko da datorren martxoaren 14an. ‘Eman euskara elkarri’ lelopean, hamar egun beranduago amaituko da Baionan.

Korrikako arduradunek Bilbon eman dituzte hurrengo edizioaren zehaztasunak. (Marisol RAMIREZ/ARGAZKI PRESS)
Korrikako arduradunek Bilbon eman dituzte hurrengo edizioaren zehaztasunak. (Marisol RAMIREZ/ARGAZKI PRESS)

Korrika 18 Andoainen hasiko da martxoaren 14an. ‘Eman euskara elkarri’ izango du goiburu euskararen aldeko lasterketa erraldoiak, «euskarak euskal herritarrok elkarrekin bizitzeko hizkuntza izan behar duelako. Elkarri hitz egiteko hizkuntza. Elkar entzuteko eta ulertzeko».

Bilbon aurkeztu dute Korrikaren 18. edizioa Korrika arduradun Edurne Brouardek, AEKren Koordinatzaile nagusi Mertxe Mugikak eta AEKren Artezkaritza kideek.

Adierazi dutenez, egun euskalduntzen eta alfabetatzen ari diren ikasle guztiak omendu nahi dituzte; «bere ahaleginarekin euskaraz bizi ahal izatea ahalbidetzen eta, beraz, elkarbizitzarako aukerak sortzen ari direlako».

Euskal Herri osoa zeharkatu ondoren, martxoaren 24an amaituko du Korrikak bere ibilbidea Baionan.