TCC enpresaren arabera, atzerapenez hasi dira billabesak lanean, piketeen presentzia dela-eta.
Gaur berriro bilduko dira Mankomunitateko, TCC-ko eta langileen batzordeko ordezkariak, lan gatazkari irtenbide bat eman asmoz.
Goizeko 9.30ak arte, linea guztiek zerbitzuaren %60 eskaini dute, eta eguerdiko ordubata arte, %40ra murriztuko da, Nafarroako Gobernuak ezarritako gutxieneko zerbitzuen arabera.
Gutxieneko zerbitzuak %60koak dira erabiltzaile emari handiena duten orduetan (6.30-9.30, 13.00-15.30 eta 17.00-20.30) eta %40koak gainerako orduetan.
Larunbat eta jaiegunetan, astegunetako zerbitzuaren %40 ibiliko da.
Iruñerriko Mankomunitateak zigor-espedientea ireki du, gutxieneko zerbitzuak betetzen ez direla eta herriarren eskubideak «etengabe urratzen» ari direlako.