Etapako azken hiru kilometroetan pilatu da Turkiako Tourreko laugarren etaparen emozio guztia. Balikesir eta Bursa lotu behar zituzten txirrindulariek 194 kilometrotan. Hauetako asko, autobideetatik. Hori gutxi balitz, aurkako haizea izan dute eta honek erabat baldintzatu du eguna.
Ihesaldia sortu da, tartean Murias taldeko Ander Barrenetxea zegoela. Haizearen ondotik, hainbatek amore eman dute. Ez da Barrenetxea eta De Rossiren kasua izan, zeintzuk, ika-mikaren bat tarteko, buruari eutsi diote azken txanpara bitarte.
Gora egiten zuten hiru kilometro horietan sartuta, Mauro Finetto mugitu da eta bere atzetik Manzana Postobon taldeko txirrindulari bat eta Remco Evenepoel gaztea. Kolonbiarrara lurrera joan da eta haren atzetik baita Evenepoel ere.
Azken metroetan Juan Jose Lobato andaluziarrak abiatu du esprinta eta bazirudien garaipen bikaina lortuko zuela gorabehera handiak dituen txirrindulari honek. Baina azken 50 metroetan bere gurpilean izkutatuta zegoen Caleb Ewanek gogor jo du, bi besoak altxatzeraino. Borrokan izan dira ere Jon Aberasturi eta Enrique Sanz euskal herritarrak ere, zazpigarren eta zortzigarren, hurrenez hurren.