1997an lehen aldiz egin zenetik, ezinbesteko hitzordua bihurtu da Donostian Kontxako Barandako barra klasikoko erakustaldia, baita Dantza Hilabetearen barne dauden jarduera ospetsuenetariko bat ere. Ikasle eta irakasleek kalera aterako dute ohiko barra-ikastaldia.

Guztira, 33 irakasleren 1.485 ikaslek parte hartuko dute Gipuzkoako (Andoain, Astigarraga, Donostia, Hondarrribia, Irun, Pasai Antxo, Errenteria eta Tolosa) eta Bizkaiko (Ondarroa eta Lekeitio) 28 dantza eskolatakoak. Hauek ordutegiak: 

16.00-16.30, Txikien Barra, Nautiko klubetik Cafe de la Concharaino.
16.45-17.15, Ertainen Barra leku berean.
17.30-18.15, Nagusien Barra Nautiko klubetik Antiguoko tunelera arte.