Maiatzaren 3tik 30era ospatuko den Poetak Maiatzean jaialdiaren XIV. edizioak aurten maila handiko izenak izango ditu, 100 ekitaldi baino gehiago programatuta, edizioak gizarte-inklusioaren aldeko apustua sendotu eta Araba osora hedatzea indartzen du. 

2026ko programazioak eskaintza eklektikoa du, kantautore handiak eta poesia garaikideko ahots berriak elkartuz. Besteak beste, honako artistak izango ditugu: Ismael Serrano, Antonio Colinas, Magdalena Sánchez Blesa, Luis Pastor, Miguel Gane, Idoia Asurmendi, Leire Vargas, Mikel Urdangarin, Maru Bernal eta nazioarteko poetak: Maryam Alzarooni, Patricia Pinchón, María Mandalou, Mohsen Emadi eta Abdallah Abubaker.

Programatutako jardueren artean, hauek azpimarratzen dira:

Hitzetik Kantura: maiatzaren 10ean, Mikel Urdangarin musikariak eta Leire Vargas poetak elkartuko dira Izaskun Arrue Kulturunean, elkarrizketa, poesia eta zuzeneko musika uztartzen dituen proposamenean. 

Antonio Colinas: poesia garaikideko izen handietako batek errezitaldia eskainiko du maiatzaren 13an Argomanizko Paradorean.

Extremadura Fado errezitala Luis Pastorrekin: maiatzaren 14an Bibat museoan. Kantautoreak bere sustraiei omenaldia egingo die, Portugalgo fadoaren eta Cabo Verdeko musikaren eraginekin

Ismael Gitarra eta ahotsa: maiatzaren 16an, Jesús Guridi Kontserbatorioan kontzertu intimoa eskainiko du.

Bigarren eskuko arropa eta lehen mailako poesia: poetek emandako arroparekin azoka egingo da, eta bildutako dirua Berakah elkartearentzat izango da.

Gizatiartzeko artea: OSIrekin elkarlanean, ‘Bertso sorginduak’ maiatzaren 12an Txagorritxu ospitalean, eta maiatzaren 27an poesia eta abesbatza Santiago ospitalean.

Martxoak 3: zauri irekia: ibilbide poetikoa martxoaren 3ko leku esanguratsuetan zehar, tokiko poetekin eta Manuel Moya gonbidatuarekin, baita Handicap taldearen kontzertuarekin (maiatzaren 24an).