‘Mundua eder’ lana aurkeztuko du Mikel Urdangarinek Donostiako Victoria Eugenia antzokian (abenduak 26, 19.30etan), Gabonetarako prestatu den egitarau oparoaren barne. Hurrengo egunean Bilboko Kafe Antzokian izango da (21.30), ohikoa duen urteari agurtzeko kontzertuarekin.

Eta Victoria Eugeniari dagokionez, egun hauetan izango dira ere oholtzaren gainean Olaia Inziarte eta  ‘Zerrautsa’ (27an, 19.30etan), Zahara (28an, 19.00etan) eta Errobi, bere ‘Agur kontzertua’-rekin (30an, 19.30. Itxaron zerrenda dago sarrerak eskuratzeko).