LEHENENGO ERA
Osagaiak 4 lagunentzat
100gr-ko 8 legatz zati, 3 tomate, olioa, gatza. Betegarria: 2 baratxuri ale, piper berde bat, piper gorri erdia, piper ori erdia, 200 g gula, olioa.
Zailtasuna 2
1. Txikitutako baratxuriak olio pixka batekin erregosi, su eztitan.
2. Zerrenda finetan moztutako piperrak gehitu eta erregosi.
3. Piperrak eginda daudenean, gulak gehitu eta arin erregosi.
4. Zerrendatan moztutako tomateak olio pixka batekin erre.
5. Plantxa batean legatza pixka bat gorritu.
6. Hurrenez hurren jarri legatza, betegarria eta legatza.
7. Azpil batean tomatea eta legatza jarri. Labe beroan, 200ºC-an, 5 minutuz sartu.
BIGARREN ERA
Osagaiak 4 lagunentzat
100gr-ko 8 legatz zati, olioa, gatza. Betegarria: 2 baratxuri ale, 250 g gula. Saltsa: 3 pikillo piper, esne-gaina.
Zailtasuna 2
1. Txikitutako baratxuriak olio pixka batekin erregosi.
2. Gulak gehitu eta arin erregosi.
3. Pikillo piperrak olio pixka batekin erregosi. 100 ml ur bota eta egosi. Esne-gain pixka bat gehitu eta berotu. Irabiagailuarekin nahasi.
4. Plantxa batean legatza pixka bat gorritu.
5. Hurrenez hurren jarri legatza, gulak eta legatza.
6. Azpil batean legatza jarri. Labe beroan, 200ºC-an, 5 minutuz sartu. Saltsa beroarekin lagundu.
Lateralidad, un tema desconocido pero crucial en el aprendizaje de las niñas y niños
La exposición temprana a pantallas se relaciona con cambios cerebrales en la adolescencia
El cantante estadounidense y exmarine Zach Bryan se casa en la Parte Vieja donostiarra
Edinburgoko Hogmanay jaialdiak euskaraz kantari agurtu du urte berria
