LEHENENGO ERA
Osagaiak 4 lagunentzat
16 zamburiña, 16 otarrainxka, tipuleta bat, 250 ml esne-gain, 50 ml koko edari, kurry, olioa, gatza.

Zailtasuna                              2

1. Zamburiñak oskolatik atera eta zatitu.
2. Otarrainxkak zuritu eta barruan daukaten hari beltza kendu. Zatitu.
3. Biak olio pixka batekin arin erregosi. Gatza bota eta atera.
4. Zartagin berean txikitutako tipuleta erregosi.
5. Esne-gaina eta koko edaria gehitu eta 2 minutuz egosi. Kurrya eta gatza bota.
6. Oskoletan zamburiñak eta otarrainxkak jarri. Gainetik saltsa beroa bota.

BIGARREN ERA
Osagaiak 4 lagunentzat
16 zamburiña, 10 otarrainxka, 250 g tipula, 2 baratxuri ale, 250 g tomate heldu, olioa, gatza, ogi birrindua.

Zailtasuna                      2

1. Zamburiñak oskolatik atera.
2. Otarrainxkak zuritu eta zatitu.
3. Zartagin batean olio pixka bat berotu eta zamburiñak eta otarrainxkak pixka bat arin erregosi. Gatza bota eta atera.
4. Zartagin berean txikitutako tipula eta baratxuriak gehitu eta erregosi.
5. Tomateak zuritu, haziak kendu eta txikitu. Barazkiekin batera jarri eta erregosi. Gatza bota.
6. Oskoletan hurrenez hurren zamburiñak, otarrainxkak eta barazkiak jarri. Gainetik ogi birrindua bota.
7.  Labe oso beroan gainerre.