Kroaziatik iritsi zaigu argazki hau, Twitter bidez. Iker Jalon erandioztarrak bidali digu Dubrovniketik. Kontatu digunez, udako gau beroetako batean loa hartu ezinik zebilela okurritu zitzaion elkartasuna adierazteko modu berezi hau: #nierebanaiz mezua itsasoak dakarren botilan irudikatzea. Naiz-eko harpidedun, proposatzen diren dinamika eta zozketetan parte hartzeko ohitura duela aitortu digu, baita okasio honetan ere: «Herri proiektu honen etorkizuna bermatzen laguntzeko nire aletxoa jarri nahi izan dut sareetan», dio. Bide batez, saria irabazterik balego ondo baino hobeto!