Ibilbide kulturala bezala (ez mendi martxa gisa) planteatutako Meatzaritzaren paisaiak egitasmoak burdin mearen ustiapenak eragindako ondarea balioan jarri nahi du.

Edizio berri honetan Muskizetik irten eta Mello mendian zehar Alen meatze-barrutira helduko dira parte-hartzaileak. Bertan Sorpresa, María, Cecilia eta Amalia burdin meategien ustiapenarekin lotutako azpiegiturak ezagutuko dituzte. Ibilbidea bide-berdean zehar jarraituko dute, mea zamalekuen eta burnidolen aurrietatik igaroz, azkenik Enkarterrietako Museora helduz.

Guztira, 27,5 Kilometro izango dira. San Juan Plazatik abiatuko da (Muskiz), goizeko 9:00etan eta helmuga Enkarterrietako Museoa (Sopuerta) izango da. Izen ematea: doan, enkarterrimuseoa webgunean.

Hiru Hamaiketako egongo dira bidean zehar: lehenegoa 8,5,Km-an, non ura eskainiko den; bigarrena, 15.Km-an (barra energetikoa eta fruta); eta hirugarrena, Museoan bertan (Lapiko gizarteratze-enpresak egindako ogitarteko begetala).

14:30etatik aurrera, 63 plazako autobus batek Museoaren eta Muskizen arteko ibilbidea egingo du, parte-hartzaile guztiak bertaratu arte. Joan-etorriak autobus osoarekin egingo dira.