Zineuskadi elkarteak sustatzen duen Zinema Euskaraz programak bost film estreinatuko ditu datozen hiru hilabeteetan, lau euskarara bikoiztutakoak eta bat euskarazko azpitituluekin, programaren helburu nagusietako bi berretsiz; euskara komunikazio kultural gisa erabiltzea eta aisialdian euskararen normalizazioa bultzatzea.

Zehazki, Zineuskadik jakinarazi duenez, “K2, zerua ukitzen” (maiatzak 7), “Laban, mamu txikia. A ze beldurra!” (ekainak 3), “Albert” (ekainak 10), “Phamton Boy” (ekainak 24) eta “Zipi Zape, kapitainaren uhartea” (uztailak 29) dira datozen hilabeteetan estreinatuko diren film euskaratuak.