«Kontrako hitz asko, baina hemen aplikazio hutsa». Hezkuntza Plataformen Topaguneak hitz horiekin salatu zuen atzo Gasteiz eta Iruñeko gobernuak Lomce legea inposatzen ari direla. Lakuako Hezkuntza Saileko Cristina Uriarteri eta Nafarroako Gobernuko Jose Luis Mendozari «Madrilen PPk egin duena» beraiek Euskal Herrian egiten ari direla leporatu zieten.

Egoera horren aurrean, Topaguneak «planto» egiteko asmoa berretsi zuen eta aurten 178 ikastetxek «inposizioei» aurre egin diotela azpimarratu zuen.