Ari! Sormena eta Mugimendua Bizipozak, Gipuzkoako Kirol Egokituen Federazioak eta Artaziak Kooperatibak abian jarritako proiektua da. «Gorputzarekin eta mugimenduarekin» lotutako ekimen berritzaileak «izaera inklusiboa eta genero ikuspegia barnebiltzen ditu» eta 12 eta 21 urte bitarteko gazteei zuzenduta dago.

Egitasmoak hiru lan ildo ditu. Horietako bat Jordi Cortes koreografo sortzaileak dantza inklusiboaren esparruan eskaini zuen tailer teoriko-praktikoa da. Horrekin batera, 12 eta 21 urte bitarteko gaitasun anitzeko hamabi lagunen parte hartzea izan duten hamar saio praktiko egin dira Ion Munduate eta Artaziaren gidaritzapean.

Webgunean eskuragarri

Hirugarren urratsa material pedagogikoaren sorrera izan da, aplikatutako metodologia jaso eta proiektua errepikatzeko aukera ahalbidetzen duen tresna. Ostegun honetan aurkeztu dute arratsaldean egindako ekitaldi batean, eta dagoeneko eskuragarri dago www.ari.eus webgunean.

Egitasmoaren bultzatzaileek azaldu dutenez, eduki pedagokikoak «aktibatzeko gorputz dinamikak eskaintzen ditu», Munduatek eta Artaziak bideratutako laborategi baten bitartez sortuak.

Proposamenak dituen «osagaien» inguruan, nabarmendu dute inklusio soziala, genero ikuspegia, aniztasuna, hezkidetza, euskara edota sormena daudela

Proiektua Irizar eta Orona Fundazioaren babesa izan du, baita Errenteriako Dantzagunearen laguntza ere.