San Migel Ligako talderik indartsuenak direla erakutsi dute Hondarribia eta Kaikuk Pasaiako banderan. Jose Luis Kortak entrenatzen duen taldea larunbateko garaipena errepikatzeko zorian izan da estropada osoan zehar aurretik joan ostean, baina Hondarribiak mendean hartu ditu azken txanpan.

Lortutako garaipenarekin, Hondarribiak ligako lidertza babesteko puntu garrantzitsuak eskuratu ditu. Kaiku bigarren tokian dago sailkapen nagusian bi puntutara.

San Juanek hirugarren tokian amaitu du Pasaiako estropada eta Urdaibai laugarrena izan da. San Pedro bostgarrena izan da eta Tiran seigarrena.