Espainiako emakumezkoen eskubaloi selekzioak, non lau euskal kirolarik jokatzen duten, Olinpiar Jokoetako final erdietarako sailkatzea lortu du final laurdenetan Kroaziari 25-22 irabazi ostean.

Eli Pinedo bilbotarra izan da partidako goleatzailerik hoberena, zazpi gol sartu eta gero. Bi gol sartu ditu bere aldetik Nely Carla Albertok eta ezin izan dute kroaziarren atea zulatu Patricia Elorza eta Andrea Barnok.

Frantzia eta Montenegroren arteko norgehiagokaren irabazlea izango du aurkari Espainiako selekzioak datorren ostegunean jokatuko den neurketan.

Olinpiar Jokoen inguruko informazio guztia NAIZen webgune berezian izango duzue.