Westminster-eko Auzitegiko Michael Snow epaileak baztertu egin du Antton Troitiñoren defentsak preso donostiarra aske uzteko egin duen eskaera, ihes egiteko arriskua dagoela argudiatuta.

Efe agentziak zabaldu duenez, epailea hasieran aske uztearen alde zegoen, baina azkenean fiskalaren irizpideari jaramon egin dio eta espetxean jarraituko duela erabaki du. Baldintzapeko askatasuna ukatzen dioten bigarren aldia da.

Urriaren 16an berriro aztertuko dute bere egoera, beste saio batean.

Antton Troitiño Iñaki Lerinekin batera atxilotu zuten Londresen, ekainare 29an.