Kamioi batek istripua izan du gaur goizaldeko 3.00ak aldera Etxegarateko mendatean, N-I errepidean. Ibilgailua irauli egin da eta errepidea moztuta geratu da Donostiarako norabidean.

Kamioiak zezenketetarako zortzi zezen zeramatzan eta ezbeharraren ondorioz hil egin behar izan dituzte, Lakuako Segurtasun Sailak azaldu duenez.

Errepidea goizeko 6.00etan ireki dute berriro, kamioia erretiratu ondoren.