Ohar baten bitartez, presoen senide eta lagunen elkarteak gogor arbuiatu du Marilo Gorostiaga presoari zigorra sei hilabetez luzatu izana, aske geratzeko egun batzuk baino falta ez direnean.
1994tik espetxean dago iruindarra, eta 2008ko azaroan, dituen gaixotasunak tarteko, espetxeratze arindua ezarri zioten. «Ordutik, Iruñeko bere etxean jarraitu du zigorra betetzen, betiere baldintza zehatz batzuen pean», adierazi du Etxeratek.
Gogoratu dute iragan asteazkenean osorik bete zuela Gorostiagak ezarri zioten zigorra eta, hortaz, aske geratu behar zuela, baina erredentzio batzuk bertan behera utzi dizkiotela jakinarazi eta sei hilabetez luzatu diote zigorra.
Presoaren abokatuak erabakiaren aurkako helegitea aurkeztu du eta horien inguruko ebazpenaren zain daude.
Bestalde, larriki gaixo dagoen Ventura Tome preso tafallarraren Euskal Herriratzeko eskaerari uko egin diotela salatu du Etxeratek.
«Baina zoritxarrez, arestian aipatutako preso eta gaixorik dauden bi pertsona hauen kasuan trikumailu ezberdinen bitartez, askapena edota bere osasun asistentzia egokia bermatuko lukeen lekualdatzea ukatu dizkiete, beraien eskubideak guztiz zapaldu», salatu du Etxeratek.
Iñigo Iturrate, de la Mesa del Parlamento a la dirección general del Euskalduna sin descanso
Las monjas clarisas de Urduña anuncian que abandonan la Iglesia de Roma
El PNV aúpa al PSE y relega a EH Bildu en la elección de la Mesa de la XIII Legislatura
Espainiar erregearen aurkako protesta ikusgarria, Felipe Borboikoa Chillida Lekun dela eta
