Gasteizko alkate Javier Marotok agerraldi batean azaldu duenez, osoko bilkurak uztailaren 24an onartutako mozio baten ondorioz deitu du Udalak Garoñaren aurkako manifestazioa.

Aipatu testuaren arabera, zentral nuklearra martxan jarraitzeari ezezkoa adierazten zion Udalak, eta horren harira mobilizazioa deitzea ere adostu zen.

Marotok gogoratu du Gasteizen ordezkaritza duten alderdi guztiak daudela Garoñaren aurka, eta manifestazioaren egunean, alderdi politikoengan baino, protagonismoa herritarrengan egon dadila eskatu du. Alkateak adierazi du ez dakiela agendak parte hartzen utziko ote dion. 

Mobilizazioa arratsaldeko seietan abiatuko da, Bilboko plazatik eta Plaza Berrian bukatuko da.