Donostian eginiko agerraldi batean, EH Bilduko bozeramale Rebeka Ubera eta Amaia Agirresarobek gazte independentisten zein Batasunaren aurkako makroepaiketen hasiera salatu dute.
«Guztira, 80 euskal herritar auziperatuen aulkian. Zio eta helburu politiko argiak dituen epaiketa baten aurrean gaude, ‘dena ETA da’ estrategiaren baitan», azpimarratu dute.
Ubera eta Agirresaroberen aburuz, epaiketok, «bakearen eraikuntza eta normalizazio politikoa oztopatzeaz gain», euskal herritarron eta erakundeen eskubide zibil eta politikoak ukatzen dituzte.
«Denborak erakutsi digu ezer gutxi espero dezakegula Madrilgo Gobernu zein botere desberdinetatik, eta guk soilik eraikiko dugula Euskal Herritik, Euskal Herirarentzat guztion artean bakea eta elkarbizitza demokratikoa», gaineratu dute.
Hori dela-eta, bakea eta elkarbizitzaren alde daudenei dei egin diete, indarrak biltzeko, «pertsona guztien eskubideak errespetatuak eta bermatuak izateko».
Auziperatuei zein haien senideei elkartasuna adieraziz bukatu baino lehen, Euskal Herria Bilduk makroepaiketa hauen aurka deitutako mobilizazioei babesa agertu die.
Pello Reparaz y Amaia Romero, juntos como ‘dantzaris’ en el último mural de LKN en Madrid
Evacuados los pasajeros del Metro en Leioa tras explotar la batería de un móvil
Buscan en el río Bidasoa a un hombre de Irun de 32 años tras una persecución de la Ertzaintza
«Las pantallas están agravando las enfermedades mentales y haciéndolas más comunes»
