EPPK-k Nelson Mandelaren ibilbidea goraipatu du komunikabideetara bidalitako ohar batean. «Lausengu interesatuak» albo batera utziz, «erreferente politiko indartsu eta saihestezina» izan dela Euskal Preso Politikoen Kolektiboarentzat nabarmendu dute oharrean.
Gogoratu duten moduan, Mandelak 27 urte egin zituen espetxean eta Umkhonto we Sizwe (MK-Nazioaren Lantza) erakundearen gudari eta gidari izatetik Hego Afrikako Lehendakari izatera iritsi zen. «Ibilbide luze gogor horretan, erakutsitako duintasuna nabarmenduko genuke, eskuzabaltasuna eta erabakitasun politikoa», azpimarratu dute.
Aldi berean, Hego Afrikako borroka eta askapen prozesua erreferentzia politiko garrantzitsua izan dela EPPK-rentzat azpimarratzen dute, baina Hego Afrikako Gobernuak ez bezala, Espainia eta Frantziakoek muzin egiten diote gatazka politikoaren konponbideari salatu dute.
Ildo horretan, Mandelaren espetxealdi ezaguna baino denbora luze eta isilduagoarekin, 30 urteren bueltan kaleratu dituzten presoak daudela Euskal Herrian aipatu dute eta kartzelan jarraitzen dutenak, «ukatu nahi duten gatazka politikoaren gordintasunaren erakusle» direla diote.
Lateralidad, un tema desconocido pero crucial en el aprendizaje de las niñas y niños
El robo del año no ha tenido lugar en el Louvre, sino en Spotify
El Supremo confirma las condenas a Zulueta y Enparantza y reduce las de Zuriarrain y Sarriegi
PNV ganaría en Bizkaia mientras EH Bildu es la fuerza emergente, según un sondeo foral
