Joseba Permachek Donostian eginiko agerraldi batean esan duenez, EH Bildu bat dator ERCk europar hateskundeetara bakarrik aurkezteko hartutako erabakiarekin eta «ulertu eta errespetatu» egiten du kataluniarren hautua.
Permachek nabarmendu duenez, ERCk Kataluniako barne egoeraren eta prozesu politikoaren analisia egin du eta «bere ustez une honetan eskaintzarik onena ERC gisa soilik aurkeztea da». Erabaki hori ulertzen due EH Bilduk, indar politiko bakoitzak «bere herriko eszenatoki politikoari begiratu behar baitio».
Koalizio abertzalea beste indar politiko batzuekin harremanetan dagoela esan du eta «datozen egun edo asteetan» zeozer argituko dela adierazi du. Herrien autodeterminazio eskubidearen alde daudenekin eta, ezkerreko ikuspegi batetik, Europan «beste eredu bat» behar dela aldarrikatzen dutenekin indarrak batzea da EH Bilduren helburua.