Osasunak hiru puntuak eskuratu ditu Getaferen kontra Sadarren (2-0). Garaipen garrantzitsua da nafarrentzat, izan ere, aurkari zuzenek irabaztea lortu dute jardunaldi honetan.

Jaitsiera postuetatik gertu jarraitzen du Osasunak, baina hiru puntuez gain bi taldeen arteko gol aldea nafarrentzako da.

Oriol Rierak egin du lehen gola partida hasieran. Osasunak kontrolpean izan du norgehiagoka, nahiz eta noizean behin Getafek arazoak sortu dizkion. Bigarren zatian partida erabakita uzteko aukerak izan dituzte nafarrek, baina azken minutuetararte itxaron behar izan dute. Roberto Torresek egin du bigarrena kontraeraso batean.