Sufrituz eta behar baino maila baxuagoan lortu du garaipena Realak Valladoliden aurka Anoetan jokatutako neurketan. Donostiarrek makal abiatu dute norgehiagoka. Valladolidek nagusitasuna erakutsi du lehenengo hamar minutuetan, baina ondoren egoera irauli dute donostiarrek. Lehen abisua Seferovicek jaurtiketa batekin heldu da eta, handik gutxira, neurketako gol bakarra heldu da.
Velaren oinetatik iritsi da garaipenaren gola 22. minutuan. Pardok egindako pasearen ondotik baselinaz garaitu du Valladoliden atezaina mexikarrak.
Horren ondotik, Realak indarrak hartu ditu eta Canalesek falta jaurtiketa baten ondoren izan du bigarrena egiteko aukera baina gorabeheratsua izan da etxekoek erakutsitako jokoa.
Bigarren zatia nahiko laua izan da Realarentzat eta azken minutuetan sufritzea egokitu zaio. 91. minutuan epaileak zesioagatik falta adierazi du Realaren area barruan eta Valladolidek norgehiagoka berdintzeko aukera izan du.
Ez da ordea aldaketarik izan markagailuan eta garaipena Donostian geratu da.
Partidaren informazio osoa, NAIZeko webgune berezian.
Tortura jasan eta ozen salatu zuen Susana Atxaerandio gasteiztarra zendu da
Esteban se arrepiente de haber ridiculizado el caso de Getxo pero el PNV sigue minimizándolo
‘Non ote zaude?’ Argazkiko neskatoaren bila, memoria kolektiboaren bidez
Elkar argitaletxeak Hertzainaken errepertorioa baimenik gabe ustiatu zuela ebatzi du epaitegiak
