Mobilizazio sinbolikoa egin dute gaur Lisboan, Largo do Carmon, gaur 40 urte diktaduraren aurka altxa ziren kuartelaren aurrean. Bertan izan da Apirilak 25 Elkarteko presidente Vasco Lourenço, garaiko Indar Armatuen Mugimenduko sustatzailea.
«Politikak berehala aldatu behar du eta mendetasunaren, hersturaren eta pobreziaren egoera irauli, bestela Gobernu honek boteretik at behar du zalantzarik gabe», esan du bere hitzartzean egungo Exekutibo kontserbadorearen aurkako adierazpenekin.
Kalean ez ezik, Parlamentuan ere gogora ekarri dute ‘Revoluçao dos Cravos’ edo Krabelinen Iraultza bezala ezagutzen dena.
Lourenço eta bere elkartea Parlamentuko omenaldira gonbidatuak izan ziren, baina bertako presidente Assunçao Estevesek ukatu egin zion Lourençori hitz hartzeko aukera. Hortaz, gonbidapena baztertu egin du elkarteak, baita Mário Soares lehen ministro ohiak ere. Kalean izan da bera, gainontzeko herritarrekin, Largo do Carmoko ekitaldian.
Bertan Fernando Salgueiro Maia Armadako kapitainari omenaldi berezia eskaini diote, berak gidatu baitzuen Marcelo Caetano babesten zuen kuarteleko altxamendua.
50 años del atraco a CAF
Estas elecciones europeas tienen su propio José María Ruiz Mateos
«Hamargarren kilometrotik irribarrea ahotik ezin kenduta aritu nintzen; horrekin geratzen naiz»
290.500 euroko isuna jaso dute Ernaiko 133 kidek Aitor eta Galderren aldeko ekimen batengatik
