Peter Sagan eslobakiarra izan da txirrindularirik indartsuena Vueltako hirugarren etapan. Esprintean amaitu da jardunaldia eta Tinkoff-Saxo taldekoak Nacer Bouhanni (Cofidis) eta John Degenkolb (Giant-Alpecin) garaitu ditu azken metroetan.
Sagan berak hasi du esprinta, eta azkar utzi du atzean Degenkolb, baina bazirudien Bouhannik gurpila ongi hartuta ziola. Cofidisekoak, hala ere, ezin izan du aurrera egin eta bigarren postuarekin konformatu behar izan du.
Sailkapen nagusian ez dago aldaketarik eta Johan Esteban Chaves (Orica) kolonbiarrak jarraitzen du lidergoan. Maillot aldaketa, ordea, mendiko sailkapenean eman da, eta Omar Fraile (Caja Rural) santurtziarra da lider berria.
Bizkaitarrak eguneko ihesaldia hartu du eta bidean zituzten bi mendateak lehen postuan igaro ditu, mendiko elastikoa bereganatuz. Berarekin batera, Alexis Gougeard (AG2R), Natnael Berhane (MTN), Walter Pedraza (Colombia), Sylvain Chavanel (IAM) Maarten Tjallingii (Lotto-Jumbo), Ilia Koshevoy (Lampre-Merida) eta Martin Velits (Etixx) ibili dira. Ez dute alde handirik izan eta helmugatik 13 kilometrotara tropelak irentsi egin ditu.
Un joven fallece en Santurtzi tras una intervención de la Policía Local con pistola táser
Fallece en el seísmo en Caracas Alazne Solabarrieta, nieta de un alcalde de Ondarroa exiliado
Hallada en Irulegi una cerámica con el texto «abaŕ», primer testimonio de un numeral vascónico
Henry Méndez actúa en Irun tras mandar ánimos a Rafa Mir, condenado a 8 años por violación
