Asko behar lukete gauzak aldatu San Miguel Ligako lehen postuetan izen ezberdinak ikusten hasteko. Hondarribia, gaur ere lehena, Urdaibai, bigarren berriz, eta Orio eta Kaiku jarraian hirugarren eta laugarren postuetan. Bilboko bandera lortuta sailkapen nagusian 184 puntura iritsi dira hondarribiarrak, 165ekin dira bigarren Bermeoko Urdaibai taldekoak. Orio izan da gaur hirugarren, hala da sailkapen nagusian ere 144 punturekin, eta Kaiku laugarren, baita nagusian ere 129rekin.

Hurrengo bi asteetan etenaldia izango da eta badirudi hura iristerako erabakita utzi nahi lukeela Hondarribiak Liga. Bihar Zierbenan izango dute zita denek.