Zaratamokoa sailkatuta eta Lekuinekoa kanporatuta zeudenez, partidak ez du gauza handirik izan jokoan sailkapenari begira, baina lapurtarrak zapore onez amaitu nahi izan du bere ibilbidea Lau eta Erdikoan. Hasiera-hasieratik hartu du Aspekoak ekimena markagailuan, baina zazpinako berdinketaren ondoren, saketik hiru tanto jarraian eginda, Urrutikoetxea 10-7 aurreratu da.

Hala ere, Xalak askoz hobeto jokatu du, Urrutikoetxeak ez du aurreko partidetan bezainbeste asmatu erremateetan, –bost pilota galdu ditu erasoan– eta lapurtarra merezimendu osoz nagusitu da.