Raul Castrok Estatu frantsesera hasi duen bi eguneko bisita Europa eta Kubaren arteko harremanen normalizazioaren isla da. Estatuburu bati dagozkion ohore guztiekin egin diote harrera Kubako agintariari Garaipenaren Arkuan egin duten zeremonian. Ohi bezala, soldadu ezezagunaren hilobian lore eskaintza egin dute lehendabizi.
Segolene Royal Ekologia ministroak egin dio harrera Castrori. Bazkalostean François Hollande presidentearekin bildu eta hainbat akordio sinatuko dituzte. Ondoren, agerraldia egingo dute komunikabideen aurrean.
Bihar, berriz, Asanblea Nazionaleko eta Senatuko lehendakariekin, Manuel Valls lehen ministroarekin eta Anne Hidalgo Parisko alkatearekin bilduko da Castro.
Kuba eta Estatu Batuek harremanak normalizatzeko sinatu zuten akordioaren ondotik, François Hollande izan zen Kubara bidaia egin zuen mendebaldeko lehen agintaria.
EH Bildu reclama una mesa para buscar consenso sobre KAS e Insausti pide «dejar el buenismo»
El Ayuntamiento de Donostia prohíbe las cenas solidarias en la calle para personas sin hogar
«Afaltzea ez da delitua», egin du aldarri KASek, herritarren babes zabalarekin
Piden reducir el consumo de agua en una veintena de municipios de Busturialdea y Lea-Artibai
