Itxaso Atutxak, Bizkai Buru Batzarraren presidenteak, Koldo Mediavillak, EBBren Arlo Instituzionalaren burukide arduradunak, eta Aitor Estebanek, diputatu hautetsiak, adierazi dutenez, EAJk «oso, oso zail» ikusten du Mariano Rajoyren PPri babesa ematea, «ia, ia ezinezkoa».

Zentzu honetan, alderi jeltzaleak EAEko PPrekin dituen «harreman ezin okerragoak» azpimarratu dituzte. Madrilekin ere erlazio hobea izan zitekeela nabarmendu nahi izan dute: «PPk 180 graduko bira eman beharko luke EAJk berarekin ezer adosteko, baina halako biraketak ez dira ematen normalean», adierazi du Atutxak.

Ildo beretik, Rajoyk Iñigo Urkulluren «hainbat galdera erantzun ez izanak» erlazioa zaildu dituela salatu dute. «PPk azken lau urteotako Gobernuarekin izan duen esperientzia ezin okerragoa eta esperientzia oso txarra izan da». Bide berean kokatu ditu «euskal autogobernuaren kontrako eraso etengabeak».

«EAJk PPrekin akordioren bat ados dezan, gauzak asko aldatu beharko lirateke lehenengo. Gaur egun, Euskadiko ororen kontra aurka egiteko daraman dinamika horrek akordioa ezinezko egiten du», gehitu du Mediavillak.

Hala ere, hiru bozeramaile jeltzaleek PPrekin batzartzeko eta hitz egiteko jarrera baikorra erakutsi dute.