Durango, Abadiño eta Zornotzarekin batera maiatzaren 7an erabakiko dute elorriarrek euren etorkizun politikoaren inguruan. Hala, hitzorduari begira lanean jardungo taldearen aurkezpena egin zuten atzo, larunbatez, eta hurrengo urratsen berri ere eman zuten.

Urrats horien artean kokatzen da sinadura bilketa; 700 biltzeko helburua jarri dute, hots, herriko biztanleriaren %10aren babesa gura dute. Bi hilabeteko epea jarri dute horretarako.