Aldaketa batzuk egin ditu Mauricio Pelegrinok hamaikakoan Betisen aurka Benito Villamarinen jokatzekoak ziren partidarako, Kopako finala buruan edo. Taldeak, betiko izaera mantendu egin badu ere, igarri egin ditu aldaketok, eta ez da hanka onez sartu neurketan.
Horren adierazle Betisen gol goiztiarra. Hamargarren minutuan aurreratu dira etxekoak, Ruben Pardoren gol bati esker. Jarraian izan du Sobrinok berdinketaren gola, baina bere jaurtiketa Adanek geratu du.
Atsedenaldira iritsi arte hala nola kontrolatu du neurketa Betisek. Sobrinok izan du bigarren aukera bat ere gola egiteko, baina markagailuan atzetik iritsi dira babazorroak deskantsura.
Bigarren zatia guztiz ezberdina izan da. Hasi bezain pronto egin du Krsticicek lehena babazorroentzat, eta minutu gutxiren ostean egin du bigarrena Sobrinon. Markagailuan aurretik, are hobeto aritu da Alaves.
60. minutura iritsi aurretik egin du hirugarrena Christian Santosek, eta hondarreko denboran egin du behin betiko laugarrena Kataik.
Errepasatu neurketak utzi dituen xehetasun guztiak NAIZen webgune berezian.
Oihu bat Palestinara jaialdia, martxoaren 21ean Durangon, «ondorio errepresiboei» aurre egiteko
La Fiscalía archiva la denuncia contra el acceso al chalet de Xabi Alonso en Igeldo
Una testigo confirma que Amaya Zabarte recibió una patada de la Ertzaintza
Imputan a tres concejales del PNV de Getxo y tres técnicos por el derribo del palacete
