Hiru neurketa gehiago izango ditu Osasunak Lehen Mailaz gozatzeko igande eguerdi honetan Sadarren Deportivoren aurkako neurketan berdinketa eskuratu ostean (2-2). Jada maila galduta, azken neurketa arte lehian jarraituko dutela erakutsi dute gorritxoek.
Itxurazko maila erakutsi dute etxekoek Sadarren. Ongi sartu dira partidura, eta lehenengo bost minutuak igarotzerako markagailuan aurrea hartzea lortu dute gorritxoek; Steven izan da golegilea.
Golaren ostean, baina, Deportivok hartu du neurketaren kontrola, eta aparteko zailtasunik gabe lortu dute neurketa berdintzea 18. minutuan, Guilhemeren golari esker. Neurketa irekia izan da orokorrean, talde bateko zein besteko atzelarien hutsen ondorioz batik bat.
Bigarren zatia hastearekin batera ere bi taldeek jarraitu dute gol aukerak sortzen, baina Deportivo izan da markagailuan aurrea hartzea lortu duena. 70. minutuan izan da hori, eta Guilherme izan da golegilea bigarrenez.
Osasunak, baina, partida guztiak borrokatuko dituela erakutsi du eta gora egin du berdinketaren bila. 78. minutuan iritsi da neurketa amaiera arte iraun duen berdinketa, Sergio Leonen bidez.
Errepasatu neurketak utzi dituen xehetasun guztiak NAIZen webgune berezian.
Hallada en Irulegi una cerámica con el texto «abaŕ», primer testimonio de un numeral vascónico
Piden de 3 a 6 años de cárcel para tres militares que dieron una paliza a un joven en Iruñea
Henry Méndez actúa en Irun tras mandar ánimos a Rafa Mir, condenado a 8 años por violación
Precipitado juicio inquisitorial a dos manos
