![](/media/asset_publics/resources/000/401/746/article_main_landscape/0613_eko_gripe.jpg)
Ipar Euskal Herriko abeltzainen eta frantziar Estatuko zerbitzu sanitarioen arteko kalapitak ez du etenik. Oraingo honetan Bidaxuneko etxalde bateko ahateak hiltzeko agindua eman du administrazioak. Horren aurrean Euskal Herriko Laborarien sindikatuak mobilizatzeko deia luzatu eta arriskuan diren ahate txikiak salbatzeko adopzio kanpaina bat abiarazi du.
Ikuskatze sanitarioek egindako proben arabera, Bidaxuneko ahateek positibo eman zuten serologia probetan, aldiz, birologia azterketen emaitza negatiboa izan zen. «Horrek esan nahi du antigorputza garatu dutela eta indartsuak direlako ez direla kutsatuta. Beraz, txertatua baleude bezala da», azaldu zuen Panpi Sainte-Marie ELB sindikatuko bozeramaileak.
Bihar Bidaxuneko abeltzainari babes emateko deialdia egiteko prentsaurrekoa egin zuten atzokoan, eta jende andana bildu zen. Izan ere, berrehun ahate hazle inguru hornitzen ditu etxaldeak, eta, gainera, Landetako Rouen eta Euskal Herriko Kriaxera arrazak dituen ahate hazle bakarra da.
Gauzak horrela, «ahateak sano egon arren hiltzeko arriskuan dira eta haiekin bi arraza desager daitezke», dio Sainte-Mariek. Hori dela eta, «hil aitzin ahate guztiak ateratzeko» ekimen bat antolatu dute. Hots, osasun zerbitzuak etortzen direnean abeltzaina sostengatzeko deia luzatu eta norbanakoei zuzendutako adopzio kanpaina bat abiarazi dute, jendeak hiruzpalau ahatekume eros ditzan.
ELB sindikatuak gogor salatu du Estatu frantsesak afera honetan duen plana. Izan ere, haien iritziz, «enpresa txikien kontra doa administrazioa indarrean duen planarekin, eta, sustatu beharreko arrazak indartu beharrean, kolpatu egiten ditu».
![Larunbe](/media/asset_publics/resources/001/126/507/article_thumb_horizontal/larunbe.jpg)
Hallado en Larunbe un altar de piedra romano dedicado por una mujer a la deidad vascona Larrahe
![Jone_larrazabal](/media/asset_publics/resources/001/125/040/article_thumb_horizontal/JONE_LARRAZABAL.jpg)
El nombramiento de la nueva directora de Fiestas de Bilbo está al límite del Reglamento
Denuncian el ataque a la vivienda de la alcaldesa de Etxauri en las fiestas de la localidad
![Pello-otxandiano](/media/asset_publics/resources/001/126/561/article_thumb_horizontal/pello-otxandiano.jpg)
«El pacto de PNV y PSE muestra que el gobierno es un fin en sí mismo»
![Koldobika](/media/asset_publics/resources/001/126/790/article_thumb_horizontal/koldobika.jpg)