Lanuztea eta Bilboko Kutxabanken egoitzaren aurrean protesta egin zuten atzo Informatica de Euskadi enpresako langileek, Kutxabankek enpresa honetan dituen akzio gehienak Accenture multinazionalari saldu nahi dizkiola salatzeko. Salmenta gauzatuko balitz, EAEko banku nagusiak enpresaren kudeaketa zuzena galduko luke. Enpresa batzordeak, CCOO, LAB eta SIIEk osatua, salmentak langileen enpleguaren eta lan baldintzen gain izango dituen ondorio kaltegarriak salatu zituen.
Sindikatuen esanetan, salmentak lanpostu galera ekarriko du, Accenturek zenbait sail bertan behera utziko lituzkeelako. Bestalde, bazkide nagusi berriak Estatu mailako hitzarmena ezarriko lukeela ohartarazi dute sindikatuek, lan baldintzen galera ekarriko lukeena. Azkenik, enpresa honen salmentak ekarriko duen deskapitalizazioa ere salatu dute, 325 euskal langile dituen enpresa bat multinazional amerikar baten esku utziko baitu.
Kontraesanak
Enpresa Batzordeak, Kutxabanken eta BBK Fundazioaren arteko «kontraesanak» ere salatu zituen. «BBK Fundazioak bertoko enpresak bultzatzeko funts baten sorrera iragartzen du, eta, bestetik, Kutxabankek aurrera jarraitzen du Informatica de Euskadiren %90 Accentureri saltzeko prozesuarekin», gaitzetsi dute langileek.
El Ayuntamiento de Iruñea confirma una agresión de alta intensidad en la Vuelta del Castillo
Una cornada en la cara en Mercaderes, un corredor épico y otro grotesco
‘La Roja’ divide a la Plaza de Toros de Iruñea: «Puta selección» y «Yo soy español»
Familias de Sestao presentan quejas por la visita de un campus infantil a la Guardia Civil
