Irailaren 12an, Txapelketa Nagusia hastearekin batera, jarri ziren salgai finalerako sarrerak Bertsozale Elkarteko kideentzat; urriaren 2tik aurrera izan dute aukera gainerakoek. Hala, guztiak saldu dituztela iragarri dute.
Abenduaren 17an jokatuko da finala BECen, eta aretoaren edukiera medio ez da sarrera gehiago salduko. Alta, finalerako autobus zerbitzu eta bazkarirako txartelak erosteko epeak irekita jarraitzen du bertsosarrerak.eus webgunean.
Jazotakoaren harira, Bersozale Elkarteak gogoratu du saio guztiek edukiera mugatua daukatela eta bertsozaleek saio guztietarako sarrerak aurrez erosteko aukera daukatela.
Finalerdiak, osatuta
Behin final laurdenak amaituta, finalerdietako lehiak hasiko dira aurki. Urriaren 28an izango da lehenengo saioa Bastidan, eta azaroaren 19an azkena Amurrion. Iragan igandean Tolosako Beotibarren jokatutako saioan erabaki hurrengo fasea lehiatuko duen bertsolarien zerrenda:
Oihana Iguaran (714), Alaia Martin (712), Miren Amuriza (700,5), Nerea Ibarzabal (698,5), Agin Laburu (686), Iñaki Apalategi (685), Julio Soto (678,5), Unai Agirre (674,5), Jon Martin (673,5), Etxahun Lekue (673), Maddalen Arzallus (670), Nerea Elustondo (665,5), Jon Maia (662,5), Jone Uria (662), Nahikari Gabilondo (661,5), Miren Artetxe (661,5), Beñat Iguaran (655,5) eta Aimar Karrika (651,5).
Indurain lo da todo y un poco más en el surrealista y multitudinario encierro de la villavesa
Dos niños y su madre fallecen ahogados en la presa de Erronkari
Todo el valle, consternado por las tres muertes de Erronkari «en un cúmulo de mala suerte»
Baionarren arteko gako trukaketa, bestetako sarraila irekitzeko
