Lautadatik sartuko da Korrika Araban, gaua Sakanan barrena igaro ostean.

Handik Mendialdera joko dute, Maeztu eta Atauritik, eta eguerdiko ordu batean Kanpezun sartuko dira.

Ordu batzuk Errioxa eta Araba artean eman ondoren, arratsaldeko zazpiak aldera, Korrikaren 21. edizioaren mugarrietako bat iritsiko da. Bastidan egingo den kilometroetako batean, 1.252.ean, hain zuzen, erakundeek eta euskalgintzako eragileek batera egingo baitute korrika, aurreko edizioan Santiago zubian egin zuten bezalaxe.

Baina Korrika ez da han etengo, eguna amaitu aurretik hainbat herri pasako baitituzte, tartean Trebiñu, ordu txikietan Gorbeialdeko bideari ekin aurretik.