Aita Mari itsasontziak beste erreskate bat burutu du Mediterraneoan, Itsas Salbamendu Humanitarioak (ISH) ohar batean eta sare sozialen bidez jakinarazi duenez. Erreskatea nazioarteko uretan izan da, eguerdian; egurrezko txalupa batean jitoan zihoazen 60 pertsona jaso dituzte. Arratsalderako inguru horretan itsasoak okerrera egingo duela iragarri dute.
#AitaMari erreskatea:
— maydayterraneo (@maydayterraneo) February 10, 2020
60 pertsona mediterraneoan bilatuak eta lagunduak izan dira
Orain salbu daude Aita Marin
Europak egin nahi ez duena egin, defendatu bizia itsasoan, egin dohaitza.https://t.co/j1jyy4YaYZ
@pablogsacristan pic.twitter.com/rBFAH00YYb
Erreskatatutako migratzaileak Aita Marin daude, atzo jaso zituzten beste 93ekin; guztira 153 lagun daude ontzian, eta lehorreratzeko portu seguru baten zain daude, aipatu Gobernuz Kanpoko Erakundeak (GKE) azaldu duenez.
Igandean jaso zituzten pertsonen artean 37 adin txikiko –horietako hamahiru 12 urtetik beherakoak– eta hiru emakume haurdun daude.
ISHren arabera, gertuen dauden portu seguruenak italiarrak eta Maltakoak dira, eta Libia ez da toki segurua, Europako Batasuneko eledun Mina Andreevak berak adierazi zuenez.
Erakunde horrek gogora ekarri duenez, iaz 1.885 pertsona hil ziren Mediterraneoan, beren herrialdeetatik ihesi zihoazela. Itsaso hori migratzaileentzat «munduko mugarik okerrena» dela salatu du.
La Audiencia Nacional ordena el ingreso en prisión de Arantza Zulueta y Jon Enparantza
La adicción a la pregabalina no para de crecer en los márgenes
Dos años de prisión para el jefe de operaciones de la Ertzaintza en Durango por corrupción
Expectación tras hallarse un planeta similar en tamaño y órbita a la Tierra
