Lakuako Lan eta Enplegu Saileko iturriek azaldu dutenez, astearterako aurreikusita zegoen bilkura atzeratzeko erabakia hartu dute, Idoia Mendia sailburu eta bigarren lehendakariordeak foro horretan dauden eragile guztiei CCOOren eskaera helarazi ondoren. «Iritziak alderatu ondoren, Jaurlaritzak, Confebaskek eta sindikatuek CCOOren eskaerari erantzutea erabaki dute», zehaztu dute iturriek.
Loli Garcia buru duen sindikatuak, UGTrekin batera Mahaian parte hartzen duen bakarrak, bilera atzeratzeko eskatu zuen, joan den ostegunean EAJk Diputatuen Kongresuan lan-erreformari buruzko Errege Lege Dekretua baliozkotzearen aurka bozkatu zuelako.
Sindikatuaren ustez, jeltzaleen jarrera «osoko zuzenketa» da Estatuko elkarrizketa-prozesuari eta bere lorpenei begira. Horrexegatik, hain zuzen, hitzordua atzeratzea proposatu zuen, EAEko elkarrizketa sozialaren prozesuan nola parte hartu erabakitzeko.
Nolanahi ere, bilera lehenengo hiruhileko honetan egingo da, eta urteko lehen topaketa horretan 2022rako Elkarrizketa Sozialerako Mahaiaren lan-plana finkatuko dute.
ELAk eta LABek ez dute foro horretan parte hartzen eta, hortaz, euskal gehiengo sindikala ez dago bertan ordezkatua.
Hallado en Larunbe un altar de piedra romano dedicado por una mujer a la deidad vascona Larrahe
El nombramiento de la nueva directora de Fiestas de Bilbo está al límite del Reglamento
Denuncian el ataque a la vivienda de la alcaldesa de Etxauri en las fiestas de la localidad
«El pacto de PNV y PSE muestra que el gobierno es un fin en sí mismo»
