Ernaik amaiera eman dio aste honetan zehar izan duen ekimentza asteari, goizean Durangon egin duten ekimenarekin. Abenduaren 6ko testuinguruan (1978 Konstituzio espainola ospatzen duten eguna), Santa Ana plazan agertu dira, besteak beste, Tuterako Osborneko zezenaren adarrak, Igeldon militar karlista baten omenez zegoen gurutzea, Gasteizko alkate frankistaren izena duen kalearen plaka eta Euskal Herriko eraikin publiko ezberdinetako espainiar banderak, guztiak aste honetan kendu edo eraitsiak, jakitera eman duenez.
Herri eta auzoetan eta lau ekimen nazional
Aste honetan gainera, hainbat izan dira egin dituzten ekintzak. Herri eta auzo guztietan ikur espainolistetan markajeak egin dituzte, eta baita gaurkoarekin, lau ekimen nazional ere, gazte erakundeak ohar batean nabarmendu duenez.
«Aste hau, antiespainolismoak eta independentziaren aldeko aldarriak ardaztutako astea izan da. Ikasturte hasieran aurkeztutako kanpaina politiko komunikatiboan azpimarratu dute, espainiar eta frantziar estatuekin haustura, eta Euskal Herriaren independentzia beharrezkoak direla Euskal Herriaren etorkizuna bermatu, eta zapalkuntzarik gabeko herria eraikitzeko», adierazi du Ernaik komunikabideei igorritako oharrean.
Una violenta y fuerte tormenta inunda calles y provoca cortes de luz en Bilbo
«Puta», grabado en la espalda con un cúter; el detenido ha quedado libre
Las derechas tumban los decretos de vivienda y dejan tocada la legislatura de Sánchez
Etxebizitza eskubidearen aldeko aldarria Hego Euskal Herriko hiriburuetan
